Ол нарық қажеттілігін зерттеу, мамандық атауын анықтау, оқу жоспарын, материалдық-техникалық база дайындау және компаниялармен әріптестік жасау кезеңдерінен тұрады.
Осы орайда “Шэнтай” компаниясының басшылығымен Жамбыл облысы білім басқармасының басшысы Н. Ә. Оршубековпен №10 Шу колледжінде ынтымақтастық аясында кездесу өтті.
Компания мен колледж арасындағы ынтымақтастық – бұл білім беру ұйымы мен еңбек нарығы арасындағы көпір. Сондай-ақ екі тараптың ортақ мүдделерін біріктіру, білім мен тәжірибені ұштастыру, студенттеріміздің кәсіби дамуына жол ашу, еңбек нарығының талаптарына сай мамандар даярлау бағытындағы маңызды қадам.
Компания материалдық-техникалық базамен қолдау көрсетеді, ал колледж білікті мамандарды даярлайды.
Алдағы уақытта өзара тиімді, нәтижелі, әрі ұзақ мерзімді ынтымақтастық орнайды деп сенеміз.
